पिएसजी च्याम्पियन्स लिगको क्वार्टरफाइनलमा
ब्राजिलियन सुपरस्टार नेमारले उत्कृष्ट प्रदर्शन गरेपछि अन्तिम १६ को दोस्रो लेगमा जर्मन क्लब बोरुसिया टर्डमन्डलाई २–०ले पराजित गर्दै फ्रेन्च क्लब पिएसजी च्याम्पियन्स लिगको क्वार्टरफाइलनमा प्रवेश गरेको छ । पहिलो लेगमा २–१ले पछि परेको अवस्था उल्टाउँदै पिएसजीले २–०को पुनरागमन जितका साथ समग्रमा ३–२ को जित निकाल्यो ।
बुधबार राति घरेलु मैदानमा पिएसजीलाई जित दिलाउने क्रममा नेमार र युलियन ब्रान्टले गोल गरे । खेल कोरोना भाइरसका कारण बन्द रंगशालामा खेलाइएको थियो । पिएसजीले पहिलो लेग हारेर पनि नकआउट चरणमा जित निकालेको यो पहिलो पटक हो ।
खेलको अधिकांश समय बल आफ्नो नियन्त्रणमा लिएको पिएएसजीले २८औं मिनेटमा अग्रता लियो । एन्जेल डि मारियाको कर्नरमा डिबक्समा अनमार्क रहेका नेमारले हेडिङमा गोल गर्दै पिएसजीलाई अग्रता दिलाएका थिए । पहिलो हाफकै इन्जुरी सयमा ब्रान्टले साबरियाको पासमा गोल गरेपछि पिएसजीले पहिलो हाफमै २–०को अग्रता लियो ।
दोस्रो हाफमा भने कुनै गोल हुने नसक्दा खेल पिएसजीले २–०ले जित्यो । डर्टमन्डले खेलको अन्त्य १० खेलाडीमा रहेर गरेको थियो । उसका एम्रे क्यान ८९ मिनेटमा रातो कार्ड खाँदै मैदान बाहिरिउका थिए । पीएसजी छैटौं पटक च्याम्पियन्स लिगको क्वाटरफाइनल पुगेको हो ।
प्रतिकृया दिनुहोस्