काठमाडौँ उपत्यकामा थपिए १५४ कोरोना संक्रमित

काठमाडौँ– काठमाडौँ उपत्यकामा १५४ कोरोना संक्रमित थपिएका छन्।

Advertisement

आज भेटिएका ४१९ संक्रमितमध्ये काठमाडौं उपत्यकाका मात्र १५४ जना रहेको स्वास्थ्य तथा जनसंख्या मन्त्रालयले जानकारी दिएको हो ।मन्त्रालयका अनुसार काठमाडौंमा १२४, भक्तपुरमा ५ र ललितपुरमा २५ जना संक्रमित थपिएका हुन ।

योसँगै काठमाडौंमा कूल संक्रमितको संख्या ९७ हजार ४ सय ४८ पुगेको छ। जसमध्ये ९४ हजार १२ जना निको भएका छन् भने ४७३ जनाको मृत्यु भएको छ।हाल काठमाडौंमा २ हजार ८६३ जना सक्रिय संक्रमित छन्।

यसैगरी भक्तपुरमा कोरोना संक्रमितको संख्या ८ हजार ६२६ पुगेको छ । जसमध्ये ८ हजार ९०७ जना निको भएका छन् भने १०६ जनाको मृत्यु भएको मन्त्रालयले जनाएको छ।

भक्तपुरमा हाल १७५ जना सक्रिय संक्रमित रहेका छन् ।

त्यसैगरी ललितपुरमा कुल संक्रमितको संख्या १५ हजार ३०४ पुगेको छ जसमध्ये १४ हजार ७८५ जना निको भएका छन् भने १४६ को मृत्यु भएको छ ।ललितपुरमा हाल ३७३ जना सक्रिय संक्रमित रहेको मन्त्रालयले जनाएको छ।