बालुवाटारमा देउवा, प्रचण्ड र नेपालबीच के छलफल भयो ?
प्रधानमन्त्री तथा नेपाली कांग्रेसका सभापति शेरबहादुर देउवा, नेकपा माओवादी केन्द्रका अध्यक्ष पुष्पकमल दाहाल प्रचण्ड र नेकपा एकीकृत समाजवादी पार्टीका अध्यक्ष माधवकुमार नेपालबीच बालुवाटारमा छलफल भएको छ ।
स्थानीय तहको निर्वाचनको विषयमा यसअघि नै यी तीन नेताबीच छलफल भएको थियो, गठबन्धनले पनि जेठमा नै स्थानीय तहको निर्वाचन गर्ने प्रस्तावलाई स्वीकार गरिसकेको छ ।
तर, संसदबाट अमेरिकी अनुदान आयोजना पारित गर्ने विषयमा गठबन्धनमा मतभेद देखिएको छ । कतिसम्म भने यसले गर्दा गठबन्धन नै टुट्ने त होइन भन्ने आशंकासमेत गर्न थालिएको छ । यही विषयमा छलफल गर्न यी तीन नेता बुधबार बालुवाटारमा जम्मा भएका थिए ।
‘दिनदिनै पत्रपत्रिकामा अनेक समाचार सुनेर कतिपयको दिमाग खराब हुने गरेको छ, हामीले पाँच दलीय गठबन्धन निर्माण गरेका छौँ,’ उनले भनेका छन्, ‘यो गठबन्धन टुट्नेवाला छैन ।’
उनले प्रचण्ड र देउवासँग भएको छलफलमा पनि यो विषयमा कुराकानी भएको बताएका छन् । बाहिर आएका कुरा मनगणन्ते भएको भन्दै उनले गठबन्धनलाई थप बलियो बनाएर लैजाने कुरामा छलफल भएको बताएका छन् ।
छलफलमा एमसिसीबारे पनि कुराकानी भएको थियो । बालुवाटार स्रोतका अनुसार यस विषयमा यी तीन नेताको कुनै निष्कर्ष भने निस्किएन ।
प्रतिकृया दिनुहोस्